Feðgarnir fóru í leiðangur í dag og könnuðu ástandið á Kungsträdgarden, þar sem Kirsuberjatréin eiga að vera við það að springa út.

Eiga ennþá örlítið í land.

Hávísindaleg samanburðartilraun.

Sigurður dagsins brummar í litlu kerrunni sinni. Ekki lítið sáttur við gripinn.

Hvurn þremilinn á þetta að fyrirstilla? Kyngir niður snjó í morgunsárið.

Kaaaaaalt!

Það er svo mikið vor í loftinu að það hálfa væri hellingur. Yndislegt alveg hreint.

Býflugan og blómin.

Það er aragrúi af börnum í Ungbarnakaffinu hérna í hverfinu. Það er líka hellingur af leikföngum. Samt er EKKERT jafn spennandi né jafn skemmtilegt og litla bast-skálin.

Sigurður dagsins.

Feðgarnir fóru í leiðangur í dag og héldu á vit andanna (og gæsanna) í næstu götu, minnugir þess hvernig fór síðast og hafandi einsett sér það að gera betur núna. Voru því bæði brauðpoki og Cheeriospoki með í för. Endurnar virðast hafa séð að sér og tóku skömmustulegar á móti okkur, kvakandi afsökunarbeiðnir vegna framkomu sinnar hér um daginn. Tvær myndarlegar gæsir voru með í för og var því sérstaklega gaman hjá okkur Sigurði. Þar sem endurnar virtust sjá eftir stælunum prufuðum við að bjóða þeim brauð aftur og þær þáðu það með þökkum – þótt þær féllu örlítið í skuggann af gæsunum. Ekki bara af því að endur eru minni en gæsir (aha, vísindi!) heldur líka af því að önnur gæsin kom alveg upp að vagninum og borðaði brauð úr lófanum á Magga.

Göngutúrar feðganna hafa leitt í ljós að endurnar sem búa hérna í næstu götu eru afskaplega hrifnar af Cheerios. Sigurði leist reyndar ekkert á það þegar pabbi hans kastaði litlu töfrahringjunum á jörðina fyrsta skiptið, en var fljótt hrifinn þegar hann sá endurnar tæta þá í sig. Í dag ætluðu feðgarnir hins vegar að gera vel við endurnar og komu færandi hendi með brauðpoka. Endurnar rétt bitu í brauðið og kvökuðu svo reiðilega að þetta væri sko ekki það sem þær áttu von á, hvar væru töfrahringirnir eiginlega? Þær eru greinilega fljótar að vera góðu vanar og vandlátar í þokkabót – og snéru stélinu í brauðið sem lá eftir blautt og yfirgefið.

Í dag var rosalega subbulegt gaman hjá Sigurði þegar hann fékk að borða bananamauk sjálfur. Með höndunum. Varúðarráðstafanir voru gerðar og drengurinn var nakinn á meðan (að undanskilinni bleyju).

Feðgarnir róla.